تعالوا نحب نقابتنا

من طرف لعبة الايام الثلاثاء مارس 08, 2011 12:14 pm

عندى فكره ممكن نعملها تعالوا نفتح صفحه جديده لكل المحامين وتكون نقطه ومن اول السطر
ممكن نعمل صندوق تكافل لمحاميين السويس ويكون له شروط نحددها معا وبالتشاور لحاله المرض والاحاله للمعاش والوفاه حتى يستطيع اولادنا الحياه حياه كريمه بعدنا وكمان صندوق لاعانة الشباب للزواج انا سمعت عن مشروع اتجوز بجنيه وده مشروع حيتم تفعيله قريبا ان شاء الله على مستوى الجمهوريه مش خاص بالمحاميين بس ممكن نقوم به نحن ايضا وموضوعه ان كل محامى يدفع جنيه كل يوم شوفوا احنا عندنا كام محامى واضربوا بقى فى جنيه يوميا واظن ده مبلغ بسيط جدا بالنسبه لكل المحاميين صغار وكبار يبقى اخر السنه حيكون عندنا فى الصندوق كام ونقوم بمساعده المحامى الشاب الذى لم يتزوج من قبل والاكبر سنا ثم الاصغر وهكذا فى تجهيز مسكنه او نبنى مساكن لهم مع دفع قيمه ايجاريه معقوله ويكون طبعا ايجار لمدد طويله جدا حتى نساعدهم على الاستقرار مع استمراره فى دفع الجنيه يوميا وبكده نحل ازمه الاسكان كمان وممكن نعمل مشاريع بما تدره قاعة الافراح طبعا بعد مطالبتنا بأن خيرها يكون لنا مش لناس مسكينها بيأجروها لناس غريبه عن النقابه ويأخدوا الفرق او تروح للنقابه العامه اللى بتكافئ البعض وتديهم فلوس يعملوا بيها عزومه ومصايف ببلاش على حسابنا معلش انا اتكلمت تانى عن السلبيات مع انى قلت نقطه ومن اول السطر المهم الاموال دى ممكن نعمل بيها مشاريع كتير نصرف منها على ارامل وايتام المحاميين لان كلنا عارفين ان المعاش حاجه تكسف وفيه ناس بياخدوا معاش 350 جنيه من 12 سنه مازادش ولامره عشان هم واولادهم لازم يعيشوا عيشه كريمه زى اولادنا لوكل واحد يفكر فى غيره شويه ويحب نقابته شويتين حنبقى احسن نقابه نفتخر بيها كل ده عن طريق لجنه نقوم بانتخابها ونحاسبها كل شهر حتى اخر العام يتم تزويج العدد المحدد معلش دى كلها افكار ممكن تكون مش مرتبه لكن ممكن نفكر كلنا فيها ونقول رأينا

كلام جميل لكن لاسف ماينفعش مع محامين السويس لعدم التزامهم وكثرة اختلافهم نظر كل واحد لمصلحتة الشخصية فقط وها تسمع تعليقات مش ها تعجبك 100جنية قامت النقابة وما اعتقدتش

من طرف سيدفؤاد الأربعاء مارس 09, 2011 6:19 am

فكرة طيبةجدا ومعقولة
وتستحق منا الانتباه والمناقشة وبحث كل الطرق للتنفيذ
لتخرج الى عالم الواقع

من طرف نعمان عبد الله الجمعة مايو 20, 2011 9:51 am

والله رأى جميل وإقترحناه قبل كده كذا مره ولم يستجب أحد لأسباب كما قال أستاذ على خليفه رداً على الأستاذ إقتراح محترم ولكن السؤال متى سيتم عمل بجد شىء نافع هادف كهذا دون عمل خلافات شخصيه تافهه دائما يجب أن نصحو يا أساتذه كل المهن تسبقنا فى النظام والتعاون ونحن نرجع الى الوراء

تعالوا نحب نقابتنا

تعالوا نحب نقابتنا

رد: تعالوا نحب نقابتنا

رد: تعالوا نحب نقابتنا

رد: تعالوا نحب نقابتنا

موسوعه القوانيين المصرية